Турли испан нашрларининг маълумотларига кўра, «кўк-анорранглилар» 2022 йил август ойида Goldman Sachs инвестиция банки билан ўзаро битим имзолашлари кутилмоқда.

Ушбу ҳаракат «Барселона»га клубнинг молиявий эҳтиёжларини қондиришга ёрдам беради. «Барселона»нинг иқтисодий масалалар бўйича вице-президенти Эдуард Ромеу клубнинг умумий қарздорлиги 1,044 миллиард еврога кўтарилганлигини ва эҳтимол янада ошиши мумкинлигини алоҳида таъкидлади.

Унинг сўзларига кўра, «ковид ҳамма нарсада айбдор эмас, ҳатто илгари ҳам ишлар бунданда ёмонроқ кетаётган эди».

Каталонияликлар президенти Жоан Лапортанинг сўзларига кўра, «ушбу кредит клубга кичик танаффус бериш ва клуб аъзоларининг чўнтагидан ҳеч нарса сарфламаслик учун керак.

Бу вазиятда албатта маошлар тизимида узилишлар юзага келмайди». Ушбу маблаг 200 миллион евро миқдоридаги облигацияларни тўлашга сарфланади.