Испания терма жамоаси футболчиси Серхио Бускетс жамоанинг Евро-2020 даги ўйини ҳақида ўз фикрлари билан ўртоқлашди.
Ярим ҳимоячининг сўзларига кўра, Испания жамоасида психологик муаммолар мавжуд.
"Испания рақибларидан яхшироқ ўйнади, устунлик қилди, имконият яратди ва пенальтилардан фойдаланмади, ҳужумда муносиб самарадорликни кўрсата олмади. Aммо баъзида сенга озгина омад кулиб боқиши керак. Бизга ғолиблик руҳияти етишмаяпти.
Тўпни йўқотгандан кейин уни тезроқ қайта эгаллашимиз, рақиб дарвозасига яқинроқ ўйнашимиз, тезроқ ҳаракат қилишимиз керак. Бизнинг жамоамиз ҳали ҳам ёш. Бизда тўпга кўпроқ эгалик қилишни яхши кўрадиган футболчилар бор. Менга бу услуб ёқади. Соғлом муносабат, ҳалол ўйин, майдонда устунлик", деди Бускетс.
