"Милан" ва Италия терма жамоаларининг собиқ ҳужумчиси Филиппо Инзаги Мбаппе ва Роналду ҳақида ўз фикрлари билан ўртоқлашди ва француз португалиялик ҳужумчи даражасига етишиши учун нималарга аҳамият бериши кераклигини айтди.

"Роналду ҳужумдаги асосий ўйинчи, у рақиб ҳимояси учун доимий бошоғриққа айлана олади.Роналду "Реал Мадрид" даги фаолияти давомида ноёб футболчи бўлииб етишди. Айни пайтда Мбаппе "ПСЖ"да ўйнамоқда. Мбаппенинг кам жойда ҳам дриблинги ва тезликни ўзгартира олиши ажойиб. У ҳатто бир метр масофада ҳам алдаб кетиши мумкин.Роналдуда ўнг ва чап оёқ билан зарба бериш жуда аниқ. Ушбу сифатни Мбаппе ўзида шакллантириши керак ", - деб Инзаги сўзларини келтиради football italia.