"Милан" "Реал Мадрид"нинг сербиялик ҳужумчиси Лука Йовичга қизиқиш билдирмоқда, деб хабар беради Marca.
Манбага кўра, "қироллик клуби" раҳбарияти Йовичнинг маошини яна тўрт йил тўламоқчи эмас ва шу сабаб уни сотишга тайёр. Миланликлар эса тез орада футболчи борасида мадрид клуби билан музокараларга киришиши мумкин.
Эслатиб ўтамиз, "Реал" Йович учун Германиянинг "Айнтрахт" жамоасига 60 миллион евро тўлаган.
Ўтган мавсумда, йилнинг иккинчи ярмида, Йович Франкфуртнинг "Айнтрахт" жамоасида ижарада ўйнади. Сербиялик футболчи Бундеслигада 18 ўйин ўтказиб, унда 4 та гол урди.
