Хорватия (5: 3) билан Евро-2020 1/8 финалида гол ва голли узатмани амалга оширган Испания ярим ҳимоячиси Ферран Торрес ўйин ҳақидаги таассуротлари билан ўртоқлашди.
«Улар Испания гол уролмайди, дейишди, лекин мен ҳеч қачон бундай деб ўйламаган эдим. Меҳнатсеварлик ҳар доим мукофотланади.
Менга чорак финалда ким билан ўйнаш муҳим эмас. ҳар қандай учрашувга ўзимизга ишонч билан ёндошамиз.
Унаи ажойиб дарвозабон. У воқеага яхши муносабатда бўлди ва бизни бир неча бор ажойиб сейвлар билан қутқарди, айниқса ҳисоб 3: 3 бўлганида », - деди Торрес.
Чорак финалда Испания Швейтцария билан ўйнайди, ўйин 2 июль куни Санкт-Петербургда бўлиб ўтади.
