Англия Премьер-Лигаси вакилларидан бири «Блекберн Роверс» ўзининг қизлар жамоасига 8 ёшли қизалоқни қўшиб олди. Бугун Англияда кўпчилик Лили Лоусон исмли бу қизалоқ ҳақида гапиряпти. Лили эндигина 8 ёшда бўлишига қарамай кўрсаткичлари манаман деган жаҳон юлдузларини ҳам уялтиради. У 14 та ўйинда 70 та гол киритган!
Қизиғи, Лили қизлар жамоаси сафига қўшиб олинган бўлса-да, ўғил болалар жамоасида ҳам тўп сурмоқда ва сермаҳсуллигини намойиш қилишда давом этмоқда. Ҳатто баъзиларнинг фиркича, у келажакда Премьер-Лигада ҳам тўп суриши мумкин. Отаси Полнинг айтишича, қизининг мувафаққиятининг ягона сири жуда оддий, яъни футболни жуда севади.
