Кеча “Насаф” футболчилари Анталияда иккинчи назорат учрашувини ўтказишди.  "Насаф" футболчиларига бу гал Молдованинг “Академия” жамоаси рақиблик қилди.

Учрашув тенг курашлар остида бошланган бўлсада хавфли вазиятни яратиш борасида қаршиликлар устунлик қилишди. 10-дақиқада Суҳроб Неъматовнинг жарима майдони ташқарисидан йўллаган кучли зарбасини “Академия” посбони Копельчук қийинчилик билан майдон ташқарисига чиқариб юборишга эришди. Кейинчалик Мирзакамол Камоловнинг зарбасидан кейин зарба йўналиши бирозгина ноаниқ чиқди. Умуман олганда бутун учрашув давомида ҳар иккала жамоа дарвозабонлари жуда яхши ҳаракат қилишди.

Иккинчи бўлимда “Насаф” сафида 9 нафар ўзгариш амалга оширилди. Фақатгина Мақсуд Каримов ва дарвозабон Ғайрат Ҳасанов учрашувда 90 дақиқа ҳаракат қилишди. 75-дақиқада Иван Бошков қанотдан узатилган тўпни боши билан дарвозага кучсиз, аммо аниқ йўллади. Бироқ “Академия” посбони катта қийинчилик билан тўпни қайтаришни уддалади. Сўнгги дақиқаларгача ташаббус вакилларимиз томонида бўлсада, рақиб дарвозасини ишғол этиш шу куни ҳеч кимга насиб этмади-0:0.

“Насаф” футболчилари кейинги беллашувни 8 февраль куни “Спартак-Налчик” (Россия) клубига қарши ўтказишади. Ўйин Тошкент вақти билан соат 18:00 да бошланади.

Биринчи бўлимда майдонга тушганлар: Ғайрат Ҳасанов, Мақсуд Каримов, Шавкат Раимқулов, Ботир Қораев, Шерзод Аъзамов, Элдор Бойматов, Суҳроб Неъмутов, Шоҳруҳ Гадоев, Мирзакамол Камолов, Носир Отақўзиев, Илҳом Шомуродов.

Иккинчи таймда майдонга тушганлар: Боян Малишич, Жаҳонгир Жиямуродов, Эркин Бойдуллаев, Артур Геворкян, Андрей Переплёткинс, Братислав Ристич, Феликс Фелипе, Иван Бошкович, Шуҳрат Мирҳолдиршоев.