Дания терма жамоаси бош мураббийи Каспер Юльманн Евро-2020 чорак финали доирасида Чехияга қарши ўйин олдидан фикр билдирди. Бу ҳақда УЕФА расмий сайти хабар берди.
Юльманн чехларга қарши ўйинда шогирдлари мавжуд имкониятлардан максимал фойдаланишга ҳаракат қилишини таъкидлади:
«Қаерга қараманг, ҳамма нарса мотивация бағишлайди. Биз бутун Дания учун ўйнаймиз. Бизнинг иккита орзуимиз бор: ғалаба қозониш ва мухлисларга завқ бағишлаш. Албатта, бизнинг ўз ўйин услубимиз бор, унга риоя қиламиз. Аммо футболда бошқа нарсалар ҳам бор: тактика, позициялар, футболчиларнинг индивидуал маҳорати. Биз ҳар доим ҳар қандай вазиятдан максимал даражада фойдаланишга ҳаракат қиламиз».
