Daniya terma jamoasi bosh murabbiyi Kasper Yulmann Yevro-2020 chorak finali doirasida Chexiyaga qarshi o‘yin oldidan fikr bildirdi. Bu haqda UYEFA rasmiy sayti xabar berdi.
Yulmann chexlarga qarshi o‘yinda shogirdlari mavjud imkoniyatlardan maksimal foydalanishga harakat qilishini ta’kidladi:
«Qayerga qaramang, hamma narsa motivasiya bag‘ishlaydi. Biz butun Daniya uchun o‘ynaymiz. Bizning ikkita orzuimiz bor: g‘alaba qozonish va muxlislarga zavq bag‘ishlash. Albatta, bizning o‘z o‘yin uslubimiz bor, unga rioya qilamiz. Ammo futbolda boshqa narsalar ham bor: taktika, pozisiyalar, futbolchilarning individual mahorati. Biz har doim har qanday vaziyatdan maksimal darajada foydalanishga harakat qilamiz».
