"Арсенал" "Лион" ярим ҳимоячиси Усем Ауарга қизиқиш билдирмоқда.
Аммо, лондонликлар ҳали 23 ёшли ярим ҳимоячи учун расмий трансфер таклифини юборишгани йўқ. Гап шундаки, "Арсенал" аввалига ярим ҳимоячиларидан бирини сотиши керак. Олдинроқ Маттео Гендузи "Марсел"га ўтган бўлса, Гранит Жака "Рома"га ўтиши кутилмоқда. "Канонирлар" Лукас Торрейрани сотишга ҳам тайёр.
"Лион" Ауарни тахминан 25 миллион евро эвазига қўйиб юборишга тайёр. Шунингдек, футболчига "ПСЖ" ва бир қатор испан клублари даъвогарлик қилмоқда.
Олдинроқ француз "Лион"дан Чемпионлар Лигасида ўйнайдиган клубга кетмоқчи эканлиги ҳақида хабар берилганди. Аммо Премер-лигага келиши учун у келаси мавсумда Европа мусобақасида ўйнамайдиган "Арсенал" таклифига рози бўлиши мумкин.
