"Arsenal" "Lion" yarim himoyachisi Usem Auarga qiziqish bildirmoqda.
Ammo, londonliklar hali 23 yoshli yarim himoyachi uchun rasmiy transfer taklifini yuborishgani yo‘q. Gap shundaki, "Arsenal" avvaliga yarim himoyachilaridan birini sotishi kerak. Oldinroq Matteo Genduzi "Marsel"ga o‘tgan bo‘lsa, Granit Jaka "Roma"ga o‘tishi kutilmoqda. "Kanonirlar" Lukas Torreyrani sotishga ham tayyor.
"Lion" Auarni taxminan 25 million yevro evaziga qo‘yib yuborishga tayyor. Shuningdek, futbolchiga "PSJ" va bir qator ispan klublari da’vogarlik qilmoqda.
Oldinroq fransuz "Lion"dan Chempionlar Ligasida o‘ynaydigan klubga ketmoqchi ekanligi haqida xabar berilgandi. Ammo Premer-ligaga kelishi uchun u kelasi mavsumda Yevropa musobaqasida o‘ynamaydigan "Arsenal" taklifiga rozi bo‘lishi mumkin.