Бразилия терма жамоаси ҳужумчиси Неймар Аргентинага қарши Америка Кубоги финалидан кутганлари билан ўртоқлашди.
"Бизда ғалаба қозониш учун ҳамма нарса бор. Мен фақат ғалаба ҳақида ўйлайман. Мен ҳар доим шу мақсадда ўйнайман. Футболни севадиган ҳар бир киши Бразилия ва Аргентинани Америка кубоги финалида ўйнашини кутади. Аргентинада дунёнинг энг яхши футболчиларидан бири - Месси бор. Менинг карьерам ҳақидаги фильм учун жуда яхши тўқнашув бўлади. Месси мен кўрган энг буюк футболчи. Буни ўзига ҳам айтганман. Аммо биз финалда, энди биз рақибмиз ва мен ғалаба қозонишни хоҳлайман.", - дея футболчи сўзларини келтиради Бразилия нашрлари.
Эслатиб ўтамиз, Америка кубоги финали Аргентина - Бразилия тўқнашуви 11-июль, якшанба куни "Маракана" стадионида бўлиб ўтади.
