«Бавария» «Ювентус» вингери Федерико Кьезага қизиқиш билдирмоқда.
Хабар қилинишича, Евро-2020 якунланганидан сўнг Мюнхен клуби италияликни сотиб олишга уриниб кўради. Бироқ, «Ювентус» ҳужумчини сотмоқчи эмас. Турин клубида футболчи дахлсиз деб ҳисобланади. У Массимилиано Аллегри лойиҳасининг асосий иштирокчиларидан бирига айланиши керак.
Кьеза Евро-2020да яхши натижа кўрсатиб келмоқда. Унинг Австрия ва Испанияга қарши плей-офф босқичидаги иккита голи эвазига Италия кейинги босқич йўлланмасини қўлга киритди.
Олдинроқ, «Ювентус» бу ёзда сотмаслиги аниқ бўлган яна бешта футболчининг номини ошкор қилган эди ва уларнинг орасида 23 ёшли футболчи бор эди.
