«Челси» ҳимоячиси Курт Зума ушбу ёзда лондонликлар сафини тарк этиши мумкин, дея хабар бермоқда «Goal.com» сайти. «Аристократлар» бош мураббийлигига Томас Тухель келганидан сўнг, француз футболчиси захира ўриндиғида қолиб кетаётганди. 

Ҳозирда унга Англиянинг ўзидан ҳам харидорлар чиқяпти. «Вулверхэмптон» ва «Эвертон» унинг хизматларига қизиқиш билдирмоқда. 

Шунингдек, «Тоттенхэм» ва «Рома» клублари ҳам Зума атрофидаги вазиятни диққат билан кузатиб бормоқда. 

Зуманинг «Челси» билан амалдаги шартномаси 2023 йилгача тузилган ва унинг нархи «Трансфермаркт» порталида 32 млн евро деб кўрсатилган. Якунига етган мавсумда ҳимоячи барча мусобақаларда 36та учрашувда майдонга тушиб, 5та гол уришга эришди.