«Chelsi» himoyachisi Kurt Zuma ushbu yozda londonliklar safini tark etishi mumkin, deya xabar bermoqda «Goal.com» sayti. «Aristokratlar» bosh murabbiyligiga Tomas Tuxel kelganidan so‘ng, fransuz futbolchisi zaxira o‘rindig‘ida qolib ketayotgandi. 

Hozirda unga Angliyaning o‘zidan ham xaridorlar chiqyapti. «Vulverxempton» va «Everton» uning xizmatlariga qiziqish bildirmoqda. 

Shuningdek, «Tottenxem» va «Roma» klublari ham Zuma atrofidagi vaziyatni diqqat bilan kuzatib bormoqda. 

Zumaning «Chelsi» bilan amaldagi shartnomasi 2023 yilgacha tuzilgan va uning narxi «Transfermarkt» portalida 32 mln yevro deb ko‘rsatilgan. Yakuniga yetgan mavsumda himoyachi barcha musobaqalarda 36ta uchrashuvda maydonga tushib, 5ta gol urishga erishdi.