"Ювентус" ва Португалия терма жамоаси ҳужумчиси Криштиану Роналду тўрттинчи марта ESPY мукофотининг "Чет эллик энг яхши спортчи", "Эркаклар футболи" совринларини қўлга киритди. Ушбу мукофот Американинг ESPN телеканали томонидан топширилади.
"Мен ушбу ажойиб мукофот учун миннатдорман. Бу мухлислар орасида овоз бериш йўли билан берилади, шунинг учун бу соврин мен учун яна ҳам ўзига хосдир. Катта раҳмат. Соврин топшириш маросимида шахсан ўзим иштирок этмоқчи эдим, аммо афсуски, бундай қила олмайман", - дейди Роналду.
36 ёшли Роналду ўтган мавсум "Ювентус" таркибида барча мусобақаларда 44 учрашув ўтказиб, 36 гол урган ва тўртта голли пас берган. Унинг клуб билан шартномаси 2022-йилнинг ёзигача амал қилади.
