«Арсенал» бош мураббийи Микель Артета ўз шогирди Букайо Сакани руҳий томонлама қўллаб-қувватлади.
Хабарингиз бор, Сака Англия ва Италия ўртасидаги Евро-2020 финалида пенальтини аниқ амалга оширолмаган эди.
«Мен у билан гаплашиб олдим. Уни кўпчилик қўллаб-қувватлади. Барча Сака учун яхши бўлишини истайди. Бу йигит кучли характерга эга. Ҳали бу каби хатолардан тушкунликка тушиб қоладиган пайти эмас.
Сака нафақат «Арсенал» ва Англия терма жамоасидан, балки барча мухлислардан узр сўради. Букайо кескин танқидларга сабаб бўлмаслиги керак.
У мавсумни ажойиб тарзда ўтказди. Еврода содир бўлган бу воқеа уни асабий қилиши тайин. 19 ёшли йигит учун бу нормал ҳолат. Аммо энди у бу каби мағлубиятларга тайёр туришни ўрганади», - дейди Микель Артета.
