«Барселона»нинг даниялик ҳужумчиси Мартин Брейтуэйт жамоасини ўзгартириши мумкин. Бу ҳақда «Sport.es» хабар берди.

Каталонияликлар ёзги трансфер ойнасида футболчини сотишни режалаштирган. Футболчи раҳбариятнинг ушбу қарорига розилик билдирган. Мемфис Депай ва Кун Aгуэро жамоага келиб қўшилиши сабабли Брейтуэйт асосий таркибдаги ўрни сўроқ остида қолишини билади.

«Барселона» футболчини 15 миллион еврога баҳоламоқда. Футболчига Aнглия Премьер лигасининг уч клуби — «Норвич», «Брайтон» ва «Вест Хэм» қизиқиш билдирмоқда. Шунингдек, футболчига Испаниянинг «Валенсия» клубидан ҳам таклиф мавжуд.

Эслатиб ўтамиз, Мартин 2020/21 йилги мавсумда «Барселона» сафида 29 та ўйинда майдонда ҳаракат қилиб 2 та гол ва голли узатма муаллифи бўлган.