Британия матбуотининг ёзишича, «Тоттенхем» бош мураббийи Нуну Санту жамоа етакчиларидан бири Деле Аллига келаси мавсумда ҳам имконият беришга тайёр.

Футболчи ўтган йили Жозе Моуриньо қўл остида деярли бутун мавсумни захирада ўтказди.  Аллининг айтишича, унга янги мураббий келиши қўшимча мотивация берган.

Таҳлилчиларнинг таъкидлашича, «Колчестер»га қарши ўртоқлик учрашувида (4:1) Алли ярим ҳимоя зонасида мукаммал ўйин ўтказган.

Футболчи айни дам таътилдан воз кечиб, ўз вақтини машғулотларга бағишлади. Клуб раҳбарияти Аллига нисбатан анча ижобий муносабатда.

Улар истеъдодли яримҳимоячига фаолиятини қайта бошлаш учун имконият яратиб беришга тайёр.