«Il Romanista» нашрининг таъкидлашича, Римнинг «Рома» клуби ушбу ёзда эронлик ҳужумчи Сердар Азмун билан шартнома имзоламоқчи.
Манбанинг хабар беришича, «Зенит» «Рома»нинг 18 миллион евро миқдоридаги футболчи учун биринчи таклифини рад этган. Санкт-Петербург клуби камида 25 миллион атрофида маблағ талаб қилган.
Рим клуби эса ушбу шартномага ўз футболчиларидан бирини киритишга тайёр: Булар - дарвозабон Робин Олсен, ярим ҳимоячи Стивен Нзонзи ёки вингер Педро.
Маълумотларга кўра, Сердар трасферини римликлар устози Жозе Моуриньонинг шахсан ўзи хоҳлаган ва яқин кунларда «Рома» яна янги таклиф тайёрламоқчи.
