"Реал Мадрид" ёзда ярим ҳимоячилар Гарет Бэйл ва Эден Азардан сотмоқчи. Бу ҳақда
ABC журналисти Томас Гонсалес-Мартин хабар бермоқда. Мадридликлар мазкур футболчилар тўғрисидаги ҳар қандай таклифни қабул қилишга тайёр - ижара, ёки тўлиғича трансфер.
"Реал Мадрид" жуда юқори маош оладиган футболчиларни клубда ушлаб турмоқчи эмас.
Қолаверса, жамоа бош мураббийи Карло Анчелотти Азар ва Бэйл билан ҳамкорликка унчалик ҳам қизиқиш билдирмаган.
"Қаймоқранглилар" ҳали ҳам Килиан Мбаппенинг "ПСЖ" дан потенциал трансфери учун пул топишга ҳаракат қилмоқда. Шунинг учун катта маош оладиган футболчиларни сотиб юбормоқда.