Эртага – сешанба. Одатдагидек, севимли газетангизнинг янги осни чиқадиган кун. Эртага чиқадиган №7 (50) сонимиздан анонс беришда давом этамиз.
2-саҳифада Муҳрим Аъзамхўжаев Ироқнинг 3 очкоси қандай қилиб БААга ўтиб қолгани ҳақида «Бағддодда ҳаммаёқ тинч» мақоласида фикр юритади.
3-саҳифада Ҳусайн Одилхўжаевнинг «Абрамов Жеймс Кукка ҳавас қилмоқда» мақоласида терма жамоаларимиз бош мураббийининг февраль ойидаги саёҳатларига таҳлил қилиб чиқилган.
4-саҳифада «Пахтакор»нинг «Коппа карнавале» мусобақасидаги иштироки, шунингдек, «Нефтчи»нинг ОЧЛдаги рақиби – БААнинг «Аш-Шабоб» клубига тавсиф келтирилган. ОЧЛга оид муҳим хабарлар ҳам шу саҳифадан ўрин олган.
5-саҳифада одатдагидек, клубларимизнинг мавсумолди тайёргарлиги хусусида хабарлар, Олий лига клубларимизнинг таркибида бўлаётган ўзгаришлар ва ўртоқлик ўйинлари натижалари Бахтиёр Ширинов томонидан тайёрланган.
6-саҳифада юртимизда ва қитъамизда рўй берган энг қизиқарли хабар, янгиликлар ўрин олган.
7-саҳифада тарқатиб юборилган 20 ёшгача бўган қизларимиз терма жамоаси бош мураббийи Ислом Аҳмедов билан суҳбат чоп этилган.
8-саҳифада Аброр Қодиров Капелло портретига чизгилар берган бўлса, ҳафта ўйини «Манчестер Юнайтед» - «Ливерпуль» ҳам айнан шу журналист томонидан шарҳланган.
9-саҳифада Қаҳрамон Асланов ўзининг «Бурилиш» мақоласида «Барселона»да юз бераётган ўзгаришлар, Пеп Гвардиола нималарни мўлжал қилаётганини таҳлил қилган.
10-саҳифа одатдагидек жаҳон футболи янгиликларига аталган бўлса, 11-саҳифада Африка миллатлар кубоги якунлари чоп этилган. Шунингдек, Клаас Ян Хунтелаарнинг Португалиядан нега ўч олмоқчи бўлаётганини ҳам билиб оласиз.
12-13 саҳифаларда Европанинг кучли бешлиги воқеалари ва жадваллари, шунингдек, Осиё ва Европанинг энг кучли чемпионатлари натижалари билан танишасиз.
14-саҳифада Фаррух Файзиевнинг Deloitte тадқиқоти мақоласида Европа жамоаларини даромадлари таҳлил этилган. «МЮ» футболчиси Рафаэль бюилан суҳбат ҳам шу саҳифадан ўрин олган.
Бир неча сонлардан буён Қаҳрамон Асланов томонидан тайёрланиб келинаётган 15-саҳифа ҳам сизларга манзур бўлади, деган умиддамиз.
Сиз барибир биринчи бўлиб ўқий бошлайдиган саҳифангиз - 16-саҳифада ҳам ҳар доимгидек энг муҳим хабарлар, мақолалар, ҳажвиялар ўрин олган.
