«Тоттенхем» клуби футболчиси Тангуй Ндомбеленинг жамоадаги ўрни сўроқ остида қолди. «The Athletic» нашри хабарига кўра, футболчи жамоа мавсумолди ўйинларини, жумладан «Арсенал»га қарши ўйинни ҳам ўтказиб юборган.
Ваҳолангки, унда жароҳатлар йўқ эди. Аммо у ўйин қайдномасига ҳам киритилмаган. Бош мураббий Эшпириту Санту уни ҳали тўлиқ формада деб ҳисобламайди. Футболчи таътилдан аллақачон жамоа базасига етиб келган.
У Евро-2020 учун Франция термасига ҳам жалб қилинмаган эди. Ндомбеле бундай икки йил олдин «шпорлар» сафига 55 миллион евро эвазига келиб қўшилган ва ҳафтасига 200 минг фунт маош билан таъминланган.
