Янги мавсумга тайёргарлик жараёнида каталонияликлар 5та ўйин ўтказиб, шундан 4тасида ғалаба қозонишди. "Кўк-анорранглилар" шу ўйинларнинг 3тасида ўз дарвозаси дахлсизлигини сақлаб қолди. Голлар нисбати ҳам анча яхши: +11.
"Гимнастик" (4-0)
"Жирона" (3: 1)
"Штутгарт" (3: 0)
"РБ Залсбург" (1-2)
"Ювентус" (3-0)
Энг яхши тўпурар: Рей Манай (4 та гол)
Энг яхши ассистент: Антуан Гризманн (2 ассист)
Энг кўп дақиқа ўйин ўтказганлар: Сержиньо Дест (347 дақиқа, яъни ҳар бир ўйинга ўртача 70 дақиқа).
Шуни ҳам таъкидлаш жоизки, Депай ва Нету ҳам барча ўйинларда иштирок этди. Балки, улар ҳеч бўлмаганда Ла Лиганинг биринчи турларида асосий ўйинчилар бўлишар. Эслатиб ўтамиз, Тер Штеген ҳали ҳам жароҳатидан тикланмоқда, шунинг учун ўтган мавсумдагидек, биз яна Нетуни асосий таркибда бир муддат кўрамиз. Эҳтимол, у ҳали клубни тарк этмайди, гарчи яқинда бундай янгиликлар турли оммавий ахборот воситалари томонидан фаол равишда тарқалаётган бўлсада.
Жароҳат олганлар: Серхио Агуэро кутилмаганда жароҳат олди. Кутилаётган тикланиш санаси 16 октябр.
Лангле учун тикланиш муддати ҳали аниқ эмас. Унинг тиззаси билан боғлиқ муаммолар бор. Менимча, жуда кам одам бундан хавотирда. Клемент охирги 1,5 йил ўз жамоаси учун яхши ўйин намойиш эта олмади.
Мингесанинг Олимпиададан сўнг мушаклари шикастланган. Бу мусобақада уни кетма -кет икки марта жароҳат олганини инобатга оладиган бўлсак, футболчи сафга қайта яқин кунлар ичида амалга ошмаса керак. Ҳозирча унинг қайтиш санаси маълум эмас.
Бундан ташқари Де Йонгнинг ҳам жароҳати бор. Қачон сафга қайтиши борасида аниқ қандайдир хабар йўқ. Буни эса катта йўқотиш деса бўлади.
Дембеле тиззасидан жароҳат олган. Қайта тикланиш санаси - 20 октябр, лекин Усмонни биламиз. Балки, биз уни йил охиригача умуман кўрмаслигимиз ҳам мумкин.
Ансу 3 та операциядан сўнг ҳам футбол ўйнашни давом эттиради. Унинг аниқ қайтиш санаси маълум эмас, аммо сўнгги маълумотларга кўра, биз уни яқин вақтлар ичида майдонда кўришимиз мумкин, агар августда бўлмаса, сентябда.
Марк-Андре тер Штеген тиззасидан жарроҳлик амалиётидан тикланмоқда. Ҳали қачон жароҳатдан фориғ бўлиши номаълум, бироқ катта эҳтимол куз ойи ўрталарида бу воқеа содир бўлиши мумкин.
Клубнинг янги мавсумдаги сардори эса Серхио Бускетс бўлади. Шунингдек, Пике, Роберто ва Альба каби футболчилар ҳам бу вазифани бажариши мумкин.
