Хабарингиз бор, футзал бўйича Ўзбекистон миллий терма жамоаси Литвада ўтадиган 2021-йилги
Жаҳон чемпионатида иштирок этади.
Футзал терма жамоамиз 14-август санасида Тошкентдаги машғулотларни якунлаб, Мадрид ва
Порту шаҳарларида ўтадиган хорижий йиғинга йўл олади.
Футзалчиларимиз мазкур йиғинлар давомида Испания, Португалия, Аргентина каби дунёнинг
етакчи терма жамоалари билан ўртоқлик учрашувлари ўтказади. Шундан сўнг, вакилларимиз
Жаҳон чемпионатида иштирок этиш учун Литва пойтахти Вилнюс шаҳрига етиб боради.
Мундиал сафари олдидан ЎФА мажлислар залида бош мураббий Баҳодир Аҳмедов ҳамда
футзалчилар иштирокида матбуот анжумани ташкил этилади. Анжуман 12-август куни соат 14:00 да бошланади.
