Кепа УЕФА Суперкубоги доирасидаги "Вильярреал"га қарши баҳснинг пенальтилар серияси ҳақида
фикр билдирди.

"Бу ҳолат нормал эмас, лекин мен бунга тайёр эдим, чунки бундай бўлиши мумкинлигини
билардим. Мен ўз вақтида, ҳам жисмоний, ҳам психологик жиҳатдан тайёр бўлишга ҳаракат
қилдим. Эдуард ва бутун жамоа ажойиб иш қилишди. Бу жуда қийин рақибга қарши қийин ўйин бўлиб чиқди, лекин бизда медаллар бор", - дея Кепанинг сўзларини келтиради УЕФА расмий сайти .

Эслатиб ўтамиз, Аррисабалага "Вильярреал" билан УЕФА Суперкубоги учрашувида пенальтилар
сериясидан бир дақиқа олдин майдонга тушди. Кепа "Челси"нинг асосий дарвозабони Эдвард
Менди ўрнини эгаллади. Пенальтилар сериясида испаниялик дарвозабон иккита зарбани қайтара олди ва жамоасининг ғалабасига ҳисса қўшди.