Уэйн Руни “Манчестер Сити” вакиллари ака-ука Туреларнинг Африка Миллатлар Кубоги финалида мағлубиятга учраганини масхара қилди.
Twitter да жамоадоши Том Клеверли билан ёзишган Руни Кот-д’Ивуар терма жамоасининг Замбия терма жамоасига мағлуб бўлгани ҳақида ҳам гапириб ўтди.
Маълумки, кот-д’ивуарликлар сафида «Манчестер Сити» вакиллари Яя ва Коло Турелар ҳам иштирок этишди.
«Икки Туренинг шунча ўйнаб, охир-оқибат финалда замбияликларга ютқазиши кулгули. Ва-ҳа-ҳа» деб ёзди Руни. Қўшимчасига XXI асрнинг кулиш элементи бўлмиш қавсчаларни ҳам териб ташлади.
Хабарингиз бор, пенальтилар сериясида айнан Коло Туре пенальтини амалга ошира олмаганди.













