Туриннинг «Ювентус» раҳбарияти асосий иқтидори — турк вингери Кенан Йилдиз билан ҳамкорликни давом эттиришни мақсад қилмоқда. Клуб футболчига молиявий таклифи яхшиланган янги шартнома таклиф қилади.
Tuttosport нашри маълумотига кўра, туринликлар 20 ёшли Йилдизни жорий таркибдаги энг юқори маошга эга футболчига айлантиришни режалаштирмоқда.
«Бьянконери» раҳбарияти бу молиявий қадам орқали турк футболчиси Англия Премьер-лигасидаги топ-клублардан келаётган таклифларни рад этишга ундашига ишончи комил.













