Англия премьер-лигасида мавсум-2021/22 энди бошланди. FiveThirtyEight алгоритми асосида ишлайдиган суперкомпьютер жорий мавсумда жамоаларнинг ғолибликка имкониятларини тахмин қилди.
Унга кўра, ғолиблик учун энг юқори имконият "Манчестер Сити"да — 33%. Пеп Гвардиола жамоаси мавсумда 79 очко жамғариш кутилмоқда.
"Ливерпуль"нинг имкониятлари эса 23 фоизга баҳоланган бўлса (76 очко), "Челси"нинг совринни қўлга киритиш эҳтимоли 19 фоизга тенг (73 очко).
Суперкомпьютернинг тахминича, ўтган мавсумда иккинчи ўринни эгаллаган "Манчестер Юнайтед" бу сафар 4-поғонада қолади.
"Тоттенхэм" ва "Арсенал" клублари 5 ва 6-ўринларда қолса, "Лестер" мавсумни 7-поғонада якунлаши кутилмоқда.
