"Реал" яримҳимоячиси Тони Кросс Лионель Мессининг "ПСЖ"га ўтиши "Реал" учун нимани англатиши ҳақида фикр билдирди.
"Келинг, ҳаммаси қандай амалга ошишини кўриб чиқайлик.
Балки бу трансфер биз учун яхши бўлар, чунки асосий рақибимиз ("Барселона") энг яхши ўйинчисини йўқотган.
Ва, эҳтимол, бундан ҳам яхшироқ нарсалар бундан чиқади. Балки "Реал"га мазкур трансфер сабаб Париждан бир футболчи бизга ўтиши мумкин.
Агар бу (Мбаппе "Реал" га ўтиши) рўй берса, эҳтимол, Месси билан бўлган бу келишув, биз учун яхшилик билан тугаши мумкин", - дея қўшимча қилди Кроос.
Мбаппенинг шартномани узайтириши билан боғлиқ вазият яқинда "Парк де Пренс"да шов-шувга сабаб бўлди.
22 ёшли футболчи "Страсбург"га қарши ўйинда ўзининг ажойиб ўйинини кўрсатганига қарамай, "ПСЖ" мухлислари томонидан танқидларга учраган.
