Чемпионлик учун курашдан борган сари узоқлашаётган Лондоннинг «Челси» клубида бош мураббий Виллаш-Боаш мавзуси тортишилаётган бир паллада трансфер ҳаракатлари ҳам давом этмоқда.
«Daily Mail» нашрининг тахминларига кўра лондонликлар яхши дарвозабон излашмоқда. Асосий дарвозабон Петр Чех бошидан олган жароҳатидан сўнг олдинги формасига қайта олмаяпти.
Газетанинг билдиришича, биринчи рақамли номзод сифатида тиззасидан жароҳат олгани боис узоқ вақтдан буён майдонга туша олмаётган Москванинг ЦСКА клуби вакили Игор Акинфеев бўлиб турибди. 25 ёшли Игор жароҳатдан холос бўлиб, Евро-2012 учун тайёргарликни бошлаб юборган.
«Мовийлар» мавсум аввалида Бельгиянинг «Генк» клуби дарвозабони Тибо Куртуни ижарага олишган эди. Лекин у «Атлетико» клубига ижарага бериб юборилди.
