Конференциялар Лигаси саралаш учрашувлари доирасидаги "Трабзонспор" - "Рома" баҳси якунланди. Ватандошимиз Элдор Шомуродов гол киритган учрашувда римликлар сафардан иродали ғалаба билан ортга қайтди. Аввалига ҳисоб 55 дақиқада Пеллегрини томонидан очилди. Қанотдан Мхитарян узатиб берган тўпни Пеллегрини турк клуби дарвозасига киритиб қўйди. Орадан бир неча дақиқа ўтгач, "Трабзонспор" вакиллари ҳисобни тенглаштирди. Гол муаллифи - Корнелиус. Шундан сўнг баҳс бироз сокинлашиб қолди. Аммо, 81 дақиқада бурчакдан узатиб берилган тўпга Михитарян бош билан зарба берди. Бироқ, тўп устунга тегиб, майдонга қайтди. Қайтган тўпни эса Элдор бамайлихотир дарвозага киритиб юборди ва жамоасига муҳим ғалабани тақдим этди.
"Трабзонспор" (Туркия) - "Рома" (Италия) 1:2
Голлар: 0:1 – 55 Пеллегрини, 1:1 – 64 Корнелиус, 1:2 – 81 Шомуродов.
Трабзонспор – Кейбаши (Троннсен, 63), Витор Уго, Бруно Перес, Иэ, Чакыр, Гамшик, Оздемир (Омюр, 77), Жервиньо (Корнелиус, 63), Бакасетас, Нвакаэме, Джанини (Койта, 83).
Рома – Руй Патрисиу, Карсдорп, Манчини, Винья, Рожер, Мхитарян (Карлес Перес, 82), Верету (Диавара, 90), Кристанте, Пеллегрини (Кумбула, 90), Дзаньоло (Рейнолдс, 90), Шомуродов (Майораль, 82).
Огоҳлантиришлар: Бруно Перес (14), Винья (15), Иэ (51).
