«Тоттенхем» клуби Италия чемпионати вакили «Каляри» футболчиси Найтан Нандез трансферини амалга оширишга яқин турибди. Хабарларга кўра, клубнинг янги спорт директори Фабио Паратичи ушбу харид юзасидан музокараларга киришган.

Маълум қилинишича, трансфер ижара асосида амалга оширилади. Шартнома бандларига сотиб олиш шарти ҳам қўшилиши мумкин. Кўчув нархи 12-15 миллион фунт атрофида бўлади.

Нандез 2019 йилда «Каляри» учун «Бока Хуниорс»дан 15,3 миллион фунт эвазига сотиб олинган эди. У 72 та баҳсда майдонга тушиб, 12 та голда иштирок этган.