«Интер» яримҳимоячилари Артуро Видаль ва ҳужумчи Алексис Санчес ёзги трансферлар ойнаси ёпилмагунча жамоани тарк этмайди.
Бу ҳақда миланликлар бош директори Жузеппе Маротта маълум қилди.
«Бизга Санчес ва Видаль борасида ҳеч қандай расмий таклиф тушмаган. Улар «Интер»да қолишади.
Видаль ва Санчес - бизнинг лойиҳамиз ўйинчилари. Алексисга кўпроқ сабр-тоқат кўрсатиш керак. Яқинда унинг соғлиғида муаммолар бор эди, лекин умид қиламизки, ҳаммаси тугади. Санчес - «Интер» учун жуда муҳим ўйинчи, - дейди Маротта.