«Реал Мадрид» вакили Криштиану Роналду «Анжи» ҳужумчиси Самуэль Это’О олаётган маошга «кўз олайтиряпти». Яъни, унга камерунлик футболчининг ўзидан катта маош олаётгани ёқмаяпти.
Россиянинг RT «Catalan Sport» газетаси маълумотига таяниб хабар беришича, Это’O йилига 20 миллион евро олади, Роналду эса Мадрид клубидан ҳануз «атиги» 13 миллион евро олмоқда (шуям пулми?!). Португалиялик футболчи агенти Йорге Мендесни ишга солиб, маошини оширишларини талаб қилмоқчи.
Роналдунинг 2009 йилдан 2015 йилгача давом этадиган шартномасида «клубда ўйнар экан, дунёнинг энг кўп маош оладиган футболчиси бўлади» деган шарти бор. Футболчи айнан мана шу банддан фойдаланиб, маошини 20 миллион евродан оширмоқчи.














