Мисрнинг «Ал-Аҳли» клуби «Брайтон»дан Перси Тау трансферини эълон қилди. Бу ҳақда кеча клуб ўз расмий сайтида маълумот берган.
27 ёшли ҳужумчи ўтган мавсумда АПЛ доирасида бор-йўғи 6 та ўйинда майдонга туширилган ва 1 та голли узатмага муаллифлик қилган. У 2018 йилда брайтонликлар сафига қўшилган эди.
48 марта Миср, 10 марта Африка чемпиони бўлган клуб, Перси Тау билан шахсий шартларни август ойининг бошидаёқ келишиб олган эди. Клуб декабрь ойида бўлиб ўтадиган Жаҳон чемпионатига тайёргарликни давом эттирмоқда.
