«Тоттенхем» раҳбари Фабио Паратичи эски клуби «Ювентус»дан Вестон Маккенни трансферини амалга оширмоқчи. «Independent» нашри берган хабарда айтилишича, Лондон клуби Турин жамоасига футболчи учун 40 миллионлик таклиф киритади.
«Юве»нинг америкалик ёш юлдузи ўтган мавсум ажойиб ҳаракатлари билан катта клублар эътиборига тушган эди. 22 ёшли футболчи айнан Паратичи томонидан Туринга таклиф қилинган.
«Шпорлар» Италия клубига Тангуй Ндомбелени алмаштириш таклифини ҳам киритган эди. Аммо туринликлар футболчиси учун нақд пул олишни исташини билдирган.
