«Tottenxem» rahbari Fabio Paratichi eski klubi «Yuventus»dan Veston Makkenni transferini amalga oshirmoqchi. «Independent» nashri bergan xabarda aytilishicha, London klubi Turin jamoasiga futbolchi uchun 40 millionlik taklif kiritadi.

«Yuve»ning amerikalik yosh yulduzi o‘tgan mavsum ajoyib harakatlari bilan katta klublar e’tiboriga tushgan edi. 22 yoshli futbolchi aynan Paratichi tomonidan Turinga taklif qilingan.

«Shporlar» Italiya klubiga Tanguy Ndombeleni almashtirish taklifini ham kiritgan edi. Ammo turinliklar futbolchisi uchun naqd pul olishni istashini bildirgan.