"Боруссия Дортмунд" клуби "Реал"дан ижарага олган Рейнер Хесусни эски клубига қайтариб юбориши мумкин. "BILD" нашри хабарига кўра, немис клуби 19 ёшли бразилияликни ҳаракатларидан қониқиш ҳосил қилмаяпти.
Рейнер 2020 йилнинг август ойида 2 йиллик ижара шартномаси билан "Дортмунд" сафига бориб қўшилган эди. Футболчи бир йил давомида клуб учун 20 та баҳсда ўйнаб, 1 та гол ва 1 та ассист амалга оширган.
Бразилия ёшлари таркибидаги футболчини "Реал Мадрид" билан амалдаги шартномаси 2026 йилгача мўлжалланган. У ўтган йили "Фламенго"дан Ла лига гигантига ўтган эди.