"Милан" ҳужумчиси Златан Иброҳимович сўнгги интервьюларидан бирида "Барселона" бош мураббийи Хосеп Гвардиола борасидаги фикрлари билан ўртоқлашди. Швециялик ҳужумчи Гвардиола билан яна бирга ҳамкорлик қилиш нияти йўқ эмаслигини таъкидлаб ўтди.
"Ҳозирда Гвардиола билан бирга ишлай олмайман. Чунки мен ҳали "Барселона"даги фаолиятим давомида йиғилиб қолган саволларга жавоб ололганим йўқ. Аммо, унинг шахси ва ҳарактери борасида ҳозир қандай фикрда эканлигимнинг аҳамияти йўқ. Мен жаҳоннинг энг яхши мураббийига овоз беришимга тўғри келганда, Гвардиолага овоз берганман. Чунки, Гвардиола ҳозирда ҳақиқатда ҳам жаҳоннинг энг кучли мураббийи.
Мураббий ва шахс - икки хил тушунчалар. Агар Пеп яхши мураббий бўлмаганида шунча совринларни қўлга кирита олмасди. Бугунги "Барселона"дек жамоани туза олмаган бўларди.
"Мени у билан шахсий муаммоларим бор эди. Жамоа билан эмас. У билан вақти келса яна жон деб бирга ишлаган, унинг жамоасида ўйнаган бўлар эдим. Аммо, шу ўринда бир савол. Гвардиола мен билан ишлаган бўлармиди? Буни ўзидан сўраш керак.",- дея Иброҳимовичнинг интервьюсидан парча келтирмоқда Goal.com
