"Манчестер Юнайтед" "Ювентус" собиқ ҳужумчиси Криштиану Роналду трансфери учун қанча маблағ ажратгани маълум бўлди.
Журналист Фабрицио Романонинг ўз ижтимоий тармоқларидаги саҳифасида ёзишича, 36 ёшли португалияликнинг трансфери учун"МЮ" "кекса синьора"га 15 миллион евро
берилади, у яқин беш йил ичида тўланади (йилига 3 миллион евро).
Бундан ташқари, бьянконерилар 8 миллион евро бонусга эга бўлиши мумкин. Бонус олиш шартлари ҳозирча ошкор қилинмаяпти.
Эслатиб ўтамиз, Роналду "Манчестер Юнайтед"ни ҳафта охирида "Олд Траффорд"даги "Ньюкасл"га қарши баҳсида майдонга тушиши мумкин.