"Милан" ҳимоячиси Алессио Романьолига "Лацио" ва "Ювентус" клублари қизиқиш билдирмоқда. Келаси йилнинг ёзида 26 ёшли футболчининг жамоа билан шартномаси якунига етади ва янги шартнома борасида музокаралар кутилмаяпти.
Футболчининг ўзи карьерасини Римда давом эттириш истагини билдирди, чунки у болалигидан "Лацио" мухлиси бўлган, аммо унинг агенти Мино Райолага туринлик вариантни ёқламоқда.
Романьоли фаолиятини "Рома"да бошлаган, у 2012 йилдан 2015 йилгача "бўрилар" шарафини ҳимоя қилган, кейин Миланга кўчиб ўтган. 2016 йилдан Италия терма жамоасига чақирилган.
Трансфермаркт портали футболчини 20 миллион еврога баҳоламоқда.