"Милан" ярим ҳимоячиси Женнаро Гаттузо Milan Channel канали ҳодимларига берган интервьюсида, хали вери футболчилик фаолиятини якунламаслигини, яқин кунларда яна майдонга қайтиш нияти борлигини таъкидлаб ўтди.
"Мен ўзимни ҳозир жуда яхши хис қилаяпман. Жисмоний машқларни шу ҳафтадаёқ бошлаб юбораман."
"Футболни жуда соғиндим. Агар ўзимга қўйиб берса, эртагаёқ майдонга тушишга тайёрман. Аммо, врачларнинг маслаҳатларига қулоқ тутишим керак", дейди Гаттузо.
"34 ёшимда футболни якунлаш ниятим йўқ. Менга ҳозир футбол орқали оладиган адреналин етишмаяпти. Мен яна бир икки йил тўп сурмоқчиман. Албатта "Милан"да. Бу пул билан боғлиқ муаммо эмас. Мен "Милан"да текинга ҳам ўйнашга тайёрман. Бу ҳақда, ҳатто жамоа вице-президенти Адриано Галлианига ҳам айтдим. Тезроқ севимли машғулотимга қайтишни истайман, ҳолос",- дея Гаттузонинг сўзларидан парча келтириб ўтди Milan Channel.
