Собиқ "Челси" клуби сардори Жон Терри мураббийлик фаолиятини Чемпионшипнинг "Ноттингем Форест" жамоасида бошлаши мумкин. Хабарларга кўра, Форест мураббийи Крис Ҳютон қониқарсиз натижалари сабаб истеъфога чиқарилиши кутилмоқда.
Терри эса унинг ўрнига номзод сифатида кўрсатилади. 40 ёшли собиқ футболчи "Астон Вилла" клубида мураббийлар штабида бир неча мавсум иш олиб борган. У ўзи билан бир авлод вакиллари ҳисобланмиш, Френк Лемперд, Микел Артета, Стивен Жеррард ҳамда Патрик Вера каби касбдошларига ҳавас билан қарайди.
Аммо яқинда содир бўлган Лемперднинг "Челси"даги омадсизлиги Террини қарор қабул қилишда шошмасликка чақирмоқда. Унга бу борада вақт керак бўлади.
