«Ливерпуль» ҳужумчиси Муҳаммад Салоҳ кечаги баҳсдан сўнг Стивен Жеррарднинг рекордини такрорлади.
Гап шундаки, мисрлик футболчи жамоасининг Еврокубоклар доирасидаги «Энфильд»да урилган голлари сони бўйича СтивиЖининг натижасига етиб олди.
Чемпионлар Лигаси янги мавсум илк баҳсида «қизиллар» ўз майдонида «Милан»ни 3:2 ҳисобида мағлуб этди.
Салоҳ ўйинда голлардан бирига муаллифлик қилди. Мисрлик учун бу «Энфилд»да Европа яшил майдонларида урилган 14-гол ҳисобланади.
«Ливерпул»нинг 29 ёшли ҳужумчиси бу борада Стивен Жеррарднинг натижасини такрорлашга муваффақ бўлган.
