Барча юлдуз футболчилар Қатардаги жаҳон чемпионатида қатнаша оладими? Ҳозирча ҳеч ким бу саволга аниқ жавоб беришга тайёр эмас. Бу ерда гап умуман саралаш турнирларида эмас, балки коронавирус ҳақида кетмоқда. Қатар мухлислар, футболчилар ва бошқаларнинг катта оқимидан жиддий хавотирда. Маҳаллий ҳокимият бу COVID касалликларининг кучайишига олиб келиши мумкинлигидан хавотирда, шунинг учун улар жаҳон чемпионати пайтида мамлакатга ташриф буюрган ҳар бир кишига қаттиқ чекловлар қўйишни хоҳлашади.
The Athletic хабарига кўра, Қатар 2022 йилги жаҳон чемпионатида барча футболчиларни мажбурий эмлашга чақирмоқда. Шунингдек, мураббийлар, ходимлар ва мамлакатга келадиганларнинг ҳаммаси, шу жумладан, барча мухлислар эмланиши керак.
Аммо муаммо шундаки, ҳамма футболчилар ҳам, жумладан Де Лигт ва Депай каби юлдузлар эмлаш тарафдори эмас. Шу сабабли, кўплаб термалар турнирга асосий футболчиларсиз келиши мумкин. Ва бу томонлар учун ноқулайдир.
ФИФА Қатарни футболчилардан истисно қилишга ва ҳар уч кунда тест ўтказишга рухсат беришга чақирмоқда. Ҳозирча томонлар келиша олишмаяпти, бироқ ФИФА Қатарнинг турнирга бўлган қизиқишини сақлаб қолиш учун ён беришига ишонади.
Эслатиб ўтамиз, Қатардаги мундиал 2022 йилда бўлиб ўтади. Биринчи ўйин 18 ноябрь куни бўлиб ўтади. Турнир финали эса 18 декабрга белгиланган.
