Москванинг "Локомотив" клуби бош мураббийи Жозе Коусейру Европа Лигасининг "Атлетик"ка бой берилган учрашувидан сўнг ўз фикрлари билан ўртоқлашди.

"Учрашув анча қизиқарли курашларга бой тарзда кечди. Биз ҳар қандай шароитда ҳам гол уришимиз талаб этилганди. Бироқ жамоа буни уддалай олмади. Рақиб биз концентрацияни йўқотган пайтимизда стандарт вазиятдан гол киритди. Бошқа вазиятларни назоратимиз остида ушлаб тургандик".

"Албатта ҳозир биз жуда тушкун кайфиятдамиз. Лекин шундай бўлсада, Испания клубини кейинги босқичга чиққани билан табриклайман. Бугун уларга ҳужумчи танлашдаги топқирлик қўл келди, деб ҳисоблайман".

"Локомотив" Европа Лигасидаги энг яхши натижасини такрорлади. Албатта биз бундан ортиғини хоҳлагандик. Бироқ биз мусобақада ёмон қатнашмадик деб ўйлайман. "Локомотив" ўтган ўнта учрашувда ўзининг кучли томонларини кўрсата олди", дея мураббийнинг сўзларидан иқтибос келтирмоқда Sportbox.ru интернет нашри.