Бугун Тошкент шаҳрида қиличбозликнинг рапира йўналиши бўйича халқаро мусобақа старт олди. Халқаро қиличбозлик федерацияси тақвимидан ўрин олган мазкур турнир рапира бўйича ўтказилмоқда.
Бугун мусобақанинг тантанали очилиш маросими бўлиб ўтди. Унда МОҚ ҳамда Ўзбекистон қиличбозлик федерацияси раиси Рустам Шоабдураҳмонов, Халқаро қиличбозлик федерацияси кузатувчилари, спортчи ва мураббийлар иштирок этишди.
Мусобақада АҚШ, Туркия, Ироқ, Филиппин, Италия, Боливия, Эрон, Қозоғистон, Беларус каби давлатлардан ташриф буюрган моҳир рапирачилар баҳс олиб боришмоқда.
Регламентга кўра, бугун эркаклар ўртасида ғолиб ва совриндорлар аниқлаб олинди. Унга кўра, биринчи ўрин америкалик Этан Гастнерга насиб этди. Ҳамюртларимиз Муҳаммадюсуф Асранов ва Аҳмадиллохон Солиҳожиев эса бронза медалларини қўлга киритишди.
«Satellite» халқаро турнири.
Рапира, эркаклар:
1. Этан Гастнер (АҚШ)
2. Уладислав Курилович (Беларус)
3. Муҳаммадюсуф Асранов (Ўзбекистон)
3. Аҳмадиллохон Солиҳожиев (Ўзбекистон)
Эртага аёллар ўртасидаги баҳслар ўтказилиши режалаштирилган.
