Испания терма жамоаси бош мураббийи Луис Энрике 2014 йилдан 2017 йилгача ўзи бошқарган «Барселона» клубига қайтмоқчи эмас. Мураббий энди бор этиборини терма жамоага қаратади.
«Мен «Барселона» бош мураббийи бўла олмайман. Бундан ташқари, менимча, Лапортада телефон рақамим йўқ. Испания терма жамоаси билан шартномам бор ва уни ҳурмат қиламан. Мен терма жамоада қоламан», - дея Энрике Goal.comнашрига берган интервьюсида.
Эслатиб ўтамиз, икки кун олдин «Барселона» Чемпионлар лигасининг иккинчи гуруҳ босқичида «Бенфика»дан йирик мағлубиятга учради (3:0). Каталония клуби раҳбарияти Роналд Куманга 2 октябрь куни бўлиб ўтадиган «Атлетико»га қарши ўйинда ўзини кўрсатиш имкониятини беришга қарор қилди.
