«Интер» бош мураббийи Симоне Индзаги А Серия жорий мавсумда қайд этилаётган натижалардан мамнун.

7 учрашувдан сўнг, 17 очко билан миланликлар турнир жадвалининг 2-поғонасини банд этган.

«Ўйлайманки, бизда бундан ҳам кўпроқ очко бўлиши мумкин эди, лекин мен жамоанинг босимни қандай енгаётганидан мамнунман.

Бугун биз иродали ғалабага эришдик ва бу яхши сигнал. Йигитлар ҳеч қачон таслим бўлишмайди ва жанговар руҳни намоён этишаверади.

Сўнгги бир неча учрашувларда биз жуда кўп хатоларга йўл қўйдик ва дастлабки икки турдагидек ўйнай олмадик. Бироқ барчасини тўғриласа бўлади», - дейди Индзаги.